Маркази тиҷорати байнулмилалӣ ва радиои маҳаллии маъруфи «Ватан» ҳамкориҳои худро доир ба боло бурдани сатҳи огаҳии доираҳои тиҷоратии тоҷик ва шумори васеътари шунавандагон аз Созмони тиҷорати ҷаҳонӣ идома медиҳанд.
Радиои «Ватан» дар бахши «Маърифати иқтисодӣ», ки аз ҷониби радиожурналисти маъруф Субҳони Ҷалил таҳия мешавад, силсилаи нави барномаҳоро таҳти унвони «Калидвожаҳои тиҷорати ҷаҳонӣ» пахш кард. Барномаи мазкур ҳар субҳу шом дар рӯзҳои корӣ дар вақти тиллоӣ пахш гардида, дар ҳар як барномаи он Иноятулло Қосимов, раҳбари шӯъбаи СТҶ дар Вазорати рушди иқтисод ва савдои Тоҷикистон ду-се истилоҳи СТҶ-ро бо забони тоҷикӣ ва соддаву фаҳмо шарҳ дод.
